ნამდვილი აჭმა

1. 1

   მოზილეთ ელასტიური ცომი ფქვილის, კვერცხის, წყლისა და მარილისგან. ხელით მოზელვის შემთხვევაში დასჭირდება დაახლოებით 20 წუთი.

   20 წუთი

2. 2

   ცომი დაასვენეთ 30 წუთის განმავლობაში.

   30 წუთი

3. 3

   დასვენებული ცომი გაყავით 9 ნაწილად, გააკეთეთ გუნდები (2 ბურთულა დანარჩენზე ოდნავ დიდი უნდა იყოს, პირველი და ბოლო ფენისთვის).

   10 წუთი

4. 4

   გაადნეთ კარაქი და გააგრილეთ. გახეხეთ ყველი და გემოვნებით დაუმატეთ მარილი.

   10 წუთი

5. 5

   აჩმის პირველი ფენა (რომელიც შედარებით დიდია) გააბრტყელეთ და მოათავსეთ კარაქწასმულ ფორმაზე, ისე რომ ბოლოები გადმოდიოდეს 1-2 სმ-ით. ცომს ზემოდანაც კარგად წაუსვით კარაქი (აჩმის პირველი ფენა არ იხარშება).

   5 წუთი

6. 6

   აჩმის მეორე ფენა გააბრტყელეთ მაქსიმალურად თხლად, გაბრტყელებული ცომი მოათავსეთ ადუღებულ წყლით სავსე ქვაბში (წყალს დაუმატეთ მარილი და ზეთი), ხარშეთ დაახლოებით 15 წამით.

   2 წუთი

7. 7

   ფრთხილად ამოიღეთ ცომი და მოათავსეთ ცივი წყლით სავსე ჯამში. ამოიღეთ და ფრთხილად დაწურეთ. დაადეთ პირველ ფენას, რომელიც დევს ფორმაში. წაუსვით კარაქი კარგად და შემდეგ მოათავსეთ ყველის 1/4.

   5 წუთი

8. 8

   დანარჩენი ყველა ფენა გაიმეორეთ ისე, როგორც მეორე ფენა, გარდა ბოლო ფენისა. თითო ფენის შემდეგ ვუსმევთ კარაქს და ვათავსებთ ყველს. ბოლოს წინა ფენაზე ყველს არ ვათავსებთ.

   15 წუთი

9. 9

   ბოლო ფენა მოამზადეთ ისე, როგორც პირველი (გააბრტყელეთ და პირდაპირ დააფარეთ). გვერდები შეუკეცეთ დანის დახმარებით. გადაუსვით კარაქი, დაჭერით სასურველ ზომებად.

   5 წუთი

10. 10

    სურვილისამებრ შეინახეთ მაცივარში მთელი ღამით და მეორე დღეს გამოაცხვეთ.

11. 11

    აცხვეთ 200 გრადუსზე, დაახლოებით 1 საათით, მანამ სანამ ოქროსფერს არ მიიღებს. ცხობისას მოათავსეთ ქვემოთ (ზევიდან უცებ რომ არ დაიბრაწოს).

    60 წუთი

    200°C

1 პორცია ≈ 338 გ

კვებითი მონაცემები მიახლოებითია. - ნიშნავს, რომ მონაცემი უცნობია.