ვაშლის მურაბა

1. 1

   ვაშლი კარგად გარეცხეთ, გაფცქვენით, ამოაცალეთ გული და დაჭერით საშუალო ზომის ნაჭრებად ან რგოლებად. მოათავსეთ დიდ ქვაბში.

   15 წუთი

2. 2

   დაჭრილ ვაშლს მოაყარეთ შაქარი, დაამატეთ წყალი და კარგად აურიეთ. დატოვეთ ასე 2-3 საათით, რომ ვაშლმა წვენი გამოუშვას.

   180 წუთი

3. 3

   ქვაბი დადგით საშუალო ცეცხლზე და მიიყვანეთ ადუღებამდე, თან ხშირად ურიეთ. ადუღებიდან 10-15 წუთის შემდეგ გადმოდგით ცეცხლიდან და დატოვეთ გასაცივებლად (დაახლოებით 4-6 საათი ან მთელი ღამით).

   15 წუთი

4. 4

   გაცივებული მურაბა კვლავ დადგით ცეცხლზე. ადუღების შემდეგ დაუწიეთ ცეცხლს და ხარშეთ დაბალ ცეცხლზე, სანამ ვაშლი არ გახდება გამჭვირვალე და სიროფი არ შესქელდება. ხარშვის ბოლოს შეგიძლიათ დაამატოთ ლიმონის წვენი, რაც მურაბას სიკაშკაშეს და არომატს შემატებს.

   60 წუთი

5. 5

   მზა ცხელი მურაბა ჩაასხით სტერილურ ქილებში და მჭიდროდ დაახურეთ თავსახური. შეინახეთ გრილ, ბნელ ადგილას.

1 პორცია ≈ 323 გ

კვებითი მონაცემები მიახლოებითია. - ნიშნავს, რომ მონაცემი უცნობია.