მინი-კალცონეები ტომატითა და ყველით

1. 1

   მშრალი საფუარი გახსენით თბილ წყალში და გააჩერეთ, სანამ ბუშტუკებს არ გაიკეთებს.

   5 წუთი

2. 2

   ფქვილი ჩაცერით ჯამში, დაუმატეთ 1/4 ჭიქა პარმეზანი, 1 ჩ/კ მარილი, 2 ჩ/კ შაქარი, 1 ჩ/კ გამაფხვიერებელი. აურიეთ კარგად და ჩაასხით საფუვრიანი წყალი.

   5 წუთი

3. 3

   მოზილეთ რბილი, ელასტიკური ცომი. ჯამში ჩაასხით ცოტაოდენი ზეთი, ჩადეთ ცომის გუნდა, გადააფარეთ ჩაის ტილო და დადგით თბილ ადგილას 1 საათით, სანამ არ მოიმატებს მოცულობაში.

   60 წუთი

4. 4

   გადმოიღეთ ცომი ფქვილმოყრილ ზედაპირზე, გაყავით 8 გუნდად.

   5 წუთი

5. 5

   თითოეული გუნდა გააბრტყელეთ ხელით, წაუსვით 1 ს/კ ტომატის წვენი, მოაყარეთ გახეხილი პარმეზანი, დაჭრილი ბაზილიკი და გადაკეცეთ, შეუწებეთ კიდეები, როგორც ვარენიკს.

   10 წუთი

6. 6

   ღრმა ტაფაში ან სქელძირიან ქვაბში გააცხელეთ ბლომად ზეთი (იმდენი, რომ კალცონეები მთლიანად დაფაროს), ჩადეთ სათითაოდ ცომის ნაჭრები და დაბრაწეთ ყველა მხრიდან.

   15 წუთი

7. 7

   ზედმეტი ცხიმის მოსაცილებლად, შემწვარი კალცონეები გადაიტანეთ ქაღალდის ხელსახოცზე. სუფრასთან მიიტანეთ სასურველ სოუსთან ერთად. მიირთვით ცხელ-ცხელი.

1 პორცია ≈ 250 გ

კვებითი მონაცემები მიახლოებითია. - ნიშნავს, რომ მონაცემი უცნობია.