ყვავილოვანი კომბოსტო ინდურად

1. 1

   გაარჩიეთ ყვავილოვანი კომბოსტო, დაანაწევრეთ ყვავილედებად, მოაყარეთ მარილი და მოათავსეთ მიკროტალღურ ღუმელში 5-7 წუთი (ან მოწალეთ მარილწყალში).

   7 წუთი

2. 2

   ჯამში ჩაყარეთ ფქვილი, დაუმატეთ 2 ს/კ სიმინდის სახამებელი, პაპრიკა 1/2 ჩ/კ, კაიენური წიწაკა 1/4 ჩ/კ, დაჭრილი ან პრესში გატარებული ნიორი, მარილი, ჯაჯაფილი, 1 ს/კ სოიოს სოუსი, აურიეთ და დაუმატეთ წყალი იმდენი, რომ მიიღოთ არაჟნის სისქის მასა.

   5 წუთი

3. 3

   ჩაალაგეთ მიღებულ სოუსში ყვავილოვანი კომბოსტო, კარგად აურიეთ.

   3 წუთი

4. 4

   შეწვით ფრიტიურში, ან ღრმა ტაფაში, ბევრ ზეთში. შემწვარი ყვავილოვანი კომბოსტო გადაიტანეთ ქაღლდდაფენილ გაშლილ ზედაპირზე.

   8 წუთი

5. 5

   ცალკე ჯამში ან ჭიქაში 1/4 ჭიქა წყალში გახსენით 2 ჩ/კ სიმინდის სახამებელი.

   2 წუთი

6. 6

   ტაფაზე დაასხით ზეითუნის ზეთი, გააცხელეთ და მოხრაკეთ ნიორი, დაუმატეთ დაჭრილი მწვანე ხახვი, შემდეგ მოგრძო ნაჭრებად დაჭრილი ბულგარული და თუშეთ, სანამ ბოსტნეული არ დარბილდება.

   5 წუთი

7. 7

   დაუმატეთ ძმარი, ჩილის ტკბილი სოუსი, ტომატის სოუსი (ან ტომატპასტა), სოიოს სოუსი, დაღერღილი წითელი წიწაკა. ნელ-ნელა დაასხით სახამებლიანი წყალი, თან შეუჩერებლად ურიეთ, სანამ მასა ბლანტი არ გახდება.

   5 წუთი

8. 8

   წამოადუღეთ და ჩააწყვეთ მასში შემწვარი ყვავილოვანი კომბოსტო, დაუმატეთ გემოვნებით მარილი, თუშეთ 3-5 წუთი და გადმოდგით ცეცხლიდან.

   4 წუთი

1 პორცია ≈ 263 გ

კვებითი მონაცემები მიახლოებითია. - ნიშნავს, რომ მონაცემი უცნობია.