ბეზეს რულეტი

1. 1

   კვერცხის ცილა ათქვიფეთ მიქსერით. ბუშტუკებს რომ გაიკეთებს, დაუმატეთ მარილი და ლიმონის წვენი. რომ გათეთრდება, ნელ-ნელა დაუმატეთ შაქარი და განაგრძეთ თქვეფა, სანამ არ გახდება პრიალა და მყარი.

   10 წუთი

2. 2

   გამოსაცხობ ფორმაზე (დაახლოებით 25x35 სმ) დააფინეთ საცხობი ქაღალდი. ქაღალდი ფორმას კარგად რომ მიეკრას, კუთხეებში ცოტა ბეზე დაიტანეთ, ზედ მოათავსეთ ქაღალდი და დაეწებება.

   5 წუთი

3. 3

   გადაანაწილეთ ბეზე ფორმაში თანაბრად და გამოაცხვეთ 180 გრადუსზე 20 წუთით (დამოკიდებულია ღუმელზე. თუ შეამჩნევთ, რომ თავი ეწვება, მაშინ ტემპერატურას 20 გრადუსით დაუწიეთ და ცხობა 10 წუთით გააგრძელეთ).

   20 წუთი

   180°C

4. 4

   სანამ ბეზე ცხვება, მოამზადეთ ლიმონის კრემი. ერთი ლიმონი გახეხეთ, რომ ცედრა მიიღოთ. შემდეგ დაარბილეთ და გამოწურეთ წვენი.

   5 წუთი

5. 5

   კვერცხის გულები, ლიმონის ცედრა, ლიმონის წვენი და შაქარი მოათავსეთ ქვაბში და ცეცხლზე შემოდგით.

6. 6

   გამუდმებით ურიეთ, სანამ მასა არ გასქელდება. შემდეგ გადმოდგით და ცხელშივე გახსენით კარაქი. გასინჯეთ კრემი. თუკი მწარე მოგეჩვენებათ, კიდევ დაუმატეთ შაქარი გემოვნებით.

   10 წუთი

7. 7

   ნაღები მიქსერით ამოიყვანეთ, სურვილისამებრ დაუმატეთ ცოტა შაქარი (1-2 სუფრის კოვზი).

   5 წუთი

8. 8

   გაციებულ ბეზეს ფირფიტაზე ჯერ ლიმონის კრემი გადაანაწილეთ, შემდეგ - ათქვეფილი ნაღები.

   5 წუთი

9. 9

   ფრთხილად გადაახვიეთ რულეტი. შეგიძლიათ, დამდნარი შოკოლადით ან შაქრის პუდრით გააფორმოთ.

   5 წუთი

10. 10

    რულეტი შედგით მაცივარში 30 წუთით, რომ კრემი გამაგრდეს.

    30 წუთი

1 პორცია ≈ 163 გ

კვებითი მონაცემები მიახლოებითია. - ნიშნავს, რომ მონაცემი უცნობია.