ბლინები ხორცით

1. 1

   ჯამში ავთქვიფოთ კვერცხი, დავამატოთ მარილი და 400 მლ წყალი. კარგად ავურიოთ.

2. 2

   ნელ - ნელა დავამატოთ ფქვილი, თან გამუდმებით ვურიოთ, რომ არ გაჩნდეს კურკუშელები. ვურიოთ ხელის სათქვეფით, სანამ ცომი ერთგვაროვანი არ გახდება.

3. 3

   ცომს დავაფაროთ სამზარეულოს პარკი და შევდოთ მაცივარში 30 წუთით.

4. 4

   დროის გასვლის შემდეგ, ცომს დავამატოთ ზეთი და დარჩენილი 100 მლ წყალი. კარგად ავურიოთ.

5. 5

   გავაცხელოთ ტაფა საშუალო ცეცხლზე. ტაფა უნდა იყოს დაბალი გვერდებით და ბრტყელი.

6. 6

   ცხელ ტაფაზე დავასხათ ცოტაოდენი ცომი და სწრაფად გადავატრიალოთ ტაფა, რომ ცომი თანაბრად გადანაწილდეს. ზედმეტი ცომი გადავღვაროთ ჯამში. ვაცხობთ ერთ მხარეს, სანამ ბლინი ტაფის გვერდებს არ მოსცილდება.

7. 7

   წვრილად დავჭრათ ხახვი და ნიორი.

8. 8

   ტაფაზე მოვშუშოთ ხახვი და ნიორი ზეთში.

9. 9

   დავამატოთ ფარში და ვშუშოთ თავდახურულ ტაფაში, სანამ ხორცი არ შეიცვლის ფერს.

10. 10

    დავამატოთ წყალი, მარილი, წითელი და შავი პილპილი, კუმინი და გამხმარი ქინძი. ვშუშოთ, სანამ სითხე თითქმის არ ამოშრება.

11. 11

    ბლინები გავავსოთ ხორცის შიგთავსით და გადმოვახვიოთ.

1 პორცია ≈ 250 გ

კვებითი მონაცემები მიახლოებითია. - ნიშნავს, რომ მონაცემი უცნობია.