ბრტყელი პური პიცით, პეპერონით, ყაბაყითა და ხახვით

1. 1

   ბრტყელი პურისთვის თასიში გაცერით ფქვილი, მოაყარეთ მარილი და პილპილი. დაამატეთ ზეითუნის ზეთი და თბილი წყალი (დაიწყეთ 150 მლ-ით და საჭიროების შემთხვევაში დაამატეთ მეტი), რომ მიიღოთ სქელი ცომი. მოზილეთ ცომი თასში.

2. 2

   ცომი მოზილეთ ფქვილმოყრილ ზედაპირზე 3-4 წუთის განმავლობაში, სანამ არ გახდება ელასტიური. დააფარეთ და გააჩერეთ, სანამ დანარჩენ კერძს მოამზადებთ.

3. 3

   გულსართისთვის გააცხელეთ პატარა ქვაბი დაბალ ცეცხლზე. დაამატეთ ცოტა ზეითუნის ზეთი, ნიორი და შეწვით ერთი წუთის განმავლობაში. დაამატეთ პომიდორი, ხმელი მწვანილი, მარილი და პილპილი და მიიყვანეთ ადუღებამდე. პომიდორი კარტოფილის საჭყლეტით დაჭყლიტეთ, რომ მიიღოთ უფრო გლუვი სოუსი და ხარშეთ 10-15 წუთის განმავლობაში, სანამ არ გასქელდება.

4. 4

   გაახურეთ ღუმელი მაქსიმალურ ტემპერატურაზე და შედგით არაწებოვანი საცხობი ფორმა გასახურებლად.

5. 5

   ბრტყელი პურისთვის ცომი გაყავით ოთხ ბურთულად და თითოეული გააბრტყელეთ ფქვილმოყრილ ზედაპირზე დაახლოებით 5 მმ სისქემდე. ცხიმწასმულ გახურებულ საცხობ ფორმაზე დაალაგეთ ბრტყელი პურის ძირები და გამოაცხვეთ ცხელ ღუმელში 2-3 წუთის განმავლობაში (შესაძლოა, პარტიებად მოგიწიოთ გამოცხობა, თუ ერთდროულად ყველასთვის ადგილი არ გექნებათ).

6. 6

   გადააბრუნეთ ბრტყელი პურის ძირები. გასინჯეთ ტომატის სოუსი და დაამატეთ მარილი და პილპილი გემოვნებით. ტომატის სოუსი გაანაწილეთ ოთხ ბრტყელ პურის ძირზე, კიდეებამდე 2 სმ-ის დატოვებით.

7. 7

   მოაყარეთ გახეხილი ყაბაყი, მოცარელა, პეპერონის ნაჭრები და ხახვი. მოასხით ცოტა ზეითუნის ზეთი, მოაყარეთ მარილი და პილპილი და შედგით ცხელ ღუმელში 6-7 წუთის განმავლობაში, სანამ ძირი არ გამოცხვება და ყველი არ გადნება და არ გახდება ოქროსფერი. მიირთვით მაშინვე.

1 პორცია ≈ 300 გ

კვებითი მონაცემები მიახლოებითია. - ნიშნავს, რომ მონაცემი უცნობია.