ინდაური ბაჟეში

1. 1

   გავასუფთავოთ ინდაური და დავდგათ მოსახარშად, დაფნის ფოთოლთან ერთად. მოხარშვის შემდეგ ამოვიღოთ ბულიონიდან და შევაგრილოთ.

   60 წუთი

2. 2

   მოხარშული ინდაური ღუმელში შევაპიწკინოთ.

   15 წუთი

   180°C

3. 3

   გავატაროთ ნიგოზი ხორცსაკეპ მანქანაში, ორჯერ, წმინდად, ნიორთან ერთად.

   10 წუთი

4. 4

   დავუმატოთ ყვითელი ყვავილი და კარგად ავზილოთ, გამოვდენოთ ზეთი, ზეთი შევინახოთ პატარა ჭიქაში.

   5 წუთი

5. 5

   ცალკე ჯამში ჩავყაროთ ხმელი ქინძი, უცხო სუნელი, წიწაკა და მარილი, დავამატოთ ნიგოზი და 1 სუფრის კოვზი ძმარი. ეს ყველაფერი კარგად ავურიოთ და გავათხელოთ ინდაურის ბულიონით, სასურველ კონსისტენციამდე.

   5 წუთი

6. 6

   წვრილად დაკეპილი ხახვი ძალიან დაბალ ცეცხლზე მოვთუშოთ, ინდაურის ცხიმში (როცა გაცივდება წვენი, ზემოდან ადვილად მოვხდით კოვზით ცხიმს).

   15 წუთი

7. 7

   მოთუშული ხახვი ჩავასხათ ნიგვზიან წვენში და დავაბლენდეროთ.

   2 წუთი

8. 8

   ქვაბში ჩავაწყოთ სასურველი ზომის ნაჭრებად დაჭრილი მოხარშული ინდაური და დავასხათ მომზადებული ბაჟე, ზემოდან მოვასხათ გადანახული ნიგვზის ზეთი. მივიყვანოთ ადუღებამდე და გადმოვდგათ ცეცხლიდან.

   3 წუთი

1 პორცია ≈ 325 გ

კვებითი მონაცემები მიახლოებითია. - ნიშნავს, რომ მონაცემი უცნობია.