ხოზო კვარი (ჟინის ხვამა)

1. 1

   ცომის მოსამზადებლად, ერთმანეთში აურიეთ ორივე სახის ფქვილი და მარილი. დაუმატეთ წყალი და მოზილეთ რბილი ცომი. გადაახვიეთ ცელოფანში და დაასვენეთ 30 წუთის განმავლობაში.

   30 წუთი

2. 2

   შიგთავსისთვის, ერთმანეთში აურიეთ ნადუღი, ხაჭო, დაჭრილი ჩირი, თხილეული, ვანილი, შაქარი და მწიკვი მარილი.

   15 წუთი

3. 3

   ქლიავის სოუსისთვის, პატარა ქვაბში მოათავსეთ ქლიავი, დაუმატეთ შაქარი, მარილი და დაღერღილი წიწაკა გემოვნებით. ხარშეთ დაბალ ცეცხლზე, სანამ ქლიავი წვენს არ გამოუშვებს. დაუმატეთ ნაღები და წამოადუღეთ. გადაწურეთ საცერში.

   15 წუთი

4. 4

   გამოიღეთ ცომი და გააბრტყელეთ თხლად. მოათავსეთ შიგთავსი ცომის ცენტრში. შეახვიეთ მსხლის ფორმაზე ისე, რომ შიგნით ჰაერი არ დარჩეს.

   15 წუთი

5. 5

   მოხარშეთ კვარი ჯერ მდუღარე წყალში, სანამ არ ამოტივტივდება. შემდეგ დაუმატეთ რძე და ხარშეთ კიდევ 3 წუთი.

   15 წუთი

6. 6

   თეფშზე მოათავსეთ ქლიავის სოუსი და ზემოდან დააწყვეთ მოხარშული კვარი.

1 პორცია ≈ 250 გ

კვებითი მონაცემები მიახლოებითია. - ნიშნავს, რომ მონაცემი უცნობია.