ფილე მინიონი სტაფილოს პიურეთი, კალმახა სოკოს სალათით, ნუშისა და ჭარხლის მუსით

1. 1

   ნუში მოვხალოთ, გავაცალოთ კანი და ბლენდერში მოვათავსოთ ჭარხლის ფოთლებთან ერთად. დავუმატოთ წყალი და მარილი, დავაბლენდეროთ.

   15 წუთი

2. 2

   მიღებული მასა გადავიტანოთ ტაფაზე, დავდგათ დაბალ ცეცხლზე და დავუმატოთ კარაქი, ლიმონის ცედრა, ლიმონის წვენი და შავი პილპილი. კარგად ვურევთ, რომ მივიღოთ სქელი მასა, გადმოვდგათ გასაციებლად.

   10 წუთი

3. 3

   კალმახა სოკო მოვათავსოთ წინასწარ გახურებულ ტაფაზე და დავუმატოთ კარაქის პატარა კუბიკი, ლიმონის წვენი, მარილი, ცოტა როზმარინი და შავი პილპილი. კარგად რომ მოიბრაწება, გადმოვდგათ, გავაციოთ და შევურიოთ წინასწარ დაჭრილ ჭარხლის ფოთოლს.

   10 წუთი

4. 4

   სტაფილო გავასუფთავოთ, დავჭრათ პატარა კუბებად და მოვხარშოთ. კარგად რომ მოიხარშება, გადავიტანოთ ბლენდერში და დავუმატოთ ცოტა მისივე ნახარში, კარგად დავაბლენდეროთ და გადავიტანოთ ტაფაზე, დავუმატოთ კარაქის კუბიკი მარილი, შავი პილპილი და ლიმონის წვენი, კარგად შევურიოთ მასა ერთმანეთში.

   20 წუთი

5. 5

   საქონლის სუკი გავასუფთავოთ, დავჭრათ სასურველ ზომაზე, მოვაყაროთ მარილი და პილპილი, დავდოთ ცხელ ტაფაზე საშუალო ცეცხლზე და დავუმატოთ კარაქის კუბი. სასურველ დონემდე მისაყვანად შეგიძლიათ ღუმელიც გამოიყენოთ (180°).

   15 წუთი

   180°C

6. 6

   სურვილისამებრ შეგიძლიათ გამოიყენოთ ღუმელი სტეიკის შესაწვავად.

   180°C

1 პორცია ≈ 350 გ

კვებითი მონაცემები მიახლოებითია. - ნიშნავს, რომ მონაცემი უცნობია.