როზმარინის ფოკაჩა

1. 1

   პულიშის მოსამზადებლად თასში აურიეთ 100 გ ფქვილი, 100 მლ თბილი წყალი და მწიკვი საფუარი. თასს გადააფარეთ ტილო და მთელი ღამით გრილ ადგილას დატოვეთ.

2. 2

   დილით პულიშს დაუმატეთ დარჩენილი თბილი წყალი, საფუარი, ფქვილი და მარილი. ხელით 5 წუთის განმავლობაში ზილეთ დაჭიმვისა და დაკეცვის მეთოდით: აიღეთ ცომის ერთი მხარე, მაქსიმალურად დაჭიმეთ ზემოთ, გადმოკეცეთ და გაიმეორეთ წრიულად.

   5 წუთი

3. 3

   თასის გვერდები ზეთით შეზეთეთ და გადააფარეთ ტილო. გააჩერეთ 2 საათით ან სანამ მოცულობა არ გაორმაგდება.

   120 წუთი

4. 4

   გაახურეთ ღუმელი 250 გრადუსზე.

5. 5

   ცომი ფრთხილად გადაიტანეთ კარგად ზეთწასმულ 30x20 სმ საცხობ ფორმაში ისე, რომ რაც შეიძლება ნაკლებად დააზიანოთ.

6. 6

   ცალკე ჭურჭელში ათქვიფეთ ზეითუნის ზეთი, ცოტა წყალი და მწიკვი მარილი ემულსიის მიღებამდე.

7. 7

   ზეთიანი თითებით ნაზად გაჭიმეთ ცომი საცხობ ფორმაში, მოასხით მომზადებული ემულსია და თითის წვერებით მთელ ზედაპირზე ჩაღრმავებები გაუკეთეთ.

8. 8

   მოაყარეთ ზღვის მარილი და როზმარინი. აცხვეთ 18 წუთის განმავლობაში, სანამ ოქროსფერი არ გახდება.

   18 წუთი

1 პორცია ≈ 100 გ

კვებითი მონაცემები მიახლოებითია. - ნიშნავს, რომ მონაცემი უცნობია.