საქონლის სუკი სტაფილოს ტარტით

1. 1

   საქონლის სუკი დავამარინადოთ პილპილში, მარილში და ზეთში.

   30 წუთი

2. 2

   ნუში დავფქვათ ბლენდერში, დავუმატოთ მარილი და 100 გრ კარაქი, მოვზილოთ ცომი, გავაბრტყელოთ 1 სმ სისქეზე, გავჭრათ მრგვალ ფორმებად და გამოვაცხოთ ღუმელში 160 გრადუსზე 10-15 წუთის განმავლობაში.

   15 წუთი

   160°C

3. 3

   სტაფილო დავჭრათ თხელ ნაჭრებად და მრგვალ ფორმებში ჩავაწყოთ ხვეულებად. ფორმას ძირზე ფოლგა შემოვაკრათ, ზემოდან მოვაყაროთ 50 გრ კარაქი და გავხეხოთ ნახევარი ლიმონის ცედრა. გამოვაცხოთ ღუმელში 180 გრადუსზე 30-40 წუთის განმავლობაში.

   40 წუთი

   180°C

4. 4

   პატარა ქვაბში ჩავასხათ ღვინო, ორი ლიმონის წვენი, დავუმატოთ 30 გრ კარაქი, მარილი და ვადუღოთ, სანამ არ შესქელდება.

   20 წუთი

5. 5

   ჭარხლის ფოთოლი გავასუფთავოთ უხეში ღეროებისაგან და მოვწალოთ.

   2 წუთი

6. 6

   ტაფაზე გავაცხელოთ ზეითუნის ზეთი და საქონლის სუკი შევწვათ 1 წუთის განმავლობაში ყველა მხრიდან, შემდეგ გავაჩეროთ 5 წუთით, დავჭრათ სამ ნაჭრად და შევახვიოთ ჭარხლის ფოთოლში. ცხელ ტაფაზე 15 წამით შევბრაწოთ ორივე მხრიდან.

   7 წუთი

7. 7

   სოკო დავჭრათ პატარა ნაჭრებად და ზეთში, კარაქში მოვშუშოთ, მარილით და პილპილით შევასუნელოთ.

   10 წუთი

8. 8

   თეფშზე დადებულ ნუშის ორცხობილაზე გამომცხვარი სტაფილო გადავიტანოთ, გვერდით მოვუწყოთ რბილად მოყვანილი დაჭრილი სოკო, ჭარხლის ფოთოლში გახვეული საქონლის სუკი და სასოუსეში ჩავასხათ ღვინის და ლიმონის სოუსი.

   5 წუთი

1 პორცია ≈ 338 გ

კვებითი მონაცემები მიახლოებითია. - ნიშნავს, რომ მონაცემი უცნობია.