შუს რულეტი მარწყვით

1. 1

   ქვაბში ჩაასხით წყალი და ზეთი, დადგით ნელ ცეცხლზე. დაამატეთ ფქვილი და მოშუშეთ 7-8 წუთის განმავლობაში, სანამ ცომი არ გახდება გლუვი და ერთგვაროვანი.

   10 წუთი

2. 2

   გადმოდგით ცეცხლიდან და გააგრილეთ. დაამატეთ ვანილი და სათითაოდ კვერცხები, კარგად ათქვიფეთ ყოველი დამატების შემდეგ. ცომი უნდა იყოს რბილი, მაგრამ ფორმას ინარჩუნებდეს.

   15 წუთი

3. 3

   გადაიტანეთ ცომი საცხობ ქაღალდზე დაფენილ ფორმაზე. გამოაცხვეთ 200 გრადუსზე გახურებულ ღუმელში 20-25 წუთის განმავლობაში, სანამ არ გახდება ოქროსფერი.

   25 წუთი

   200°C

4. 4

   გამოიღეთ ღუმელიდან და გააგრილეთ.

   15 წუთი

5. 5

   კრემის მოსამზადებლად, რძე აადუღეთ. ცალკე ჯამში აურიეთ ფქვილი და შაქარი. ცხელ რძეში ნელ-ნელა ჩაამატეთ ფქვილის და შაქრის ნარევი, თან სწრაფად ურიეთ, რომ არ გაჩნდეს კოშტები. მოხარშეთ ნელ ცეცხლზე 8 წუთის განმავლობაში, სანამ არ გასქელდება.

   15 წუთი

6. 6

   კარაქი ათქვიფეთ გათეთრებამდე. ნელ-ნელა დაამატეთ გაგრილებული ფაფა და კარგად ათქვიფეთ. დაამატეთ ლიმონის ცედრა, ვანილი და კონიაკი (სურვილისამებრ).

   10 წუთი

7. 7

   გაციებულ შუს ცომს წაუსვით კრემი. დააწყვეთ მარწყვის ნაჭრები. გააჩერეთ 10-15 წუთი.

   10 წუთი

8. 8

   გადაახვიეთ რულეტი. მოაყარეთ შაქრის პუდრა.

   5 წუთი

1 პორცია ≈ 350 გ

კვებითი მონაცემები მიახლოებითია. - ნიშნავს, რომ მონაცემი უცნობია.